हूँण वो कताईं जो नसदा धुड़ुआ (पहाड़ी)

हूँण बो कताईं जो नसदा धुड़ुआ

बापुएं लड़ तेरे ओ लाई

रिड़िया तां रिड़िया धुड़ू भला नसदा

नाले तां खोले गौरा तोपदी

हूँण बो कताईं जो नसदा धुड़ुआ

बापुएं लड़ तेरे ओ लाई

कच्ची ओ कुवारी बाबुल दे घरें

अज बो ब्याहियाँ कजो भला छोड़दा

हूँण बो कताईं जो नसदा धुड़ुआ

बापुएं लड़ तेरे ओ लाई

गौरा तां गौरा हकां बो लाईआं

गौरा तां हकां न ओ सुणदी

हूँण बो कताईं जो नसदा धुड़ुआ

बापुएं लड़ तेरे ओ लाई

मंदरिया चाली चल मेरे धुड़ूआ

नाजुक़ पैरां छाले होई आये

हूँण बो कताईं जो नसदा धुड़ुआ

बापुएं लड़ तेरे ओ लाई

छन्द-छन्द धुड़ुआ भाली हो लेंआं

नाज़ुक़ लतां न ओ चलदीं

हूँण बो कताईं जो नसदा धुड़ुआ

बापुएं लड़ तेरे ओ लाई

हो रिड़िया तां रिड़िया कजो भला हण्डदी

बिच शमशानां डेरा हो मेरा

हूँण बो कताईं जो नसदा धुड़ुआ

बापुएं लड़ तेरे ओ लाई

ओ उच्याँ कैलाशां डेरा हो मेरा

तू लड़ मेरा छड़ी हो दियां

हूँण बो कताईं जो नसदा धुड़ुआ

बापुएं लड़ तेरे ओ लाई

मड़िया रा कूड़ा मड़िया सुटणा

नाते दी धीया नाते जो देणी

हूँण वो कताईं जो नसदा धुड़ुआ

बापुएं लड़ तेरे बो लाई

हो असां भला हूँदे मड़ियाँ दे जोगी

तू भला हूँदी राजे दी बेटी

हूँण बो कताईं जो नसदा धुड़ुआ

बापुएं लड़ तेरे ओ लाई

गल मेरे गौरा सर्पां दी माला

भूतां दे संग डेरा हो मेरा

हूँण बो कताईं जो नसदा धुड़ुआ

बापुएं लड़ तेरे ओ लाई

हो उच्याँ कैलाशां शिव मेरा बसदा

कुण बो गलांनदा गौरा नी बसदी

हूँण बो कताईं जो नसदा धुड़ुआ

बापुएं लड़ तेरे ओ लाई

हूँण बो कताईं जो नसदा धुड़ुआ

बापुएं लड़ तेरे ओ लाई

हूँण बो कताईं जो नसदा धुड़ुआ

बापुएं लड़ तेरे ओ लाई

हूँण बो कताईं जो नसदा धुड़ुआ

बापुएं लड़ तेरे ओ लाई

बापुएं लड़ तेरे ओ लाई

बापुएं लड़ तेरे ओ लाई

बापुएं लड़ तेरे ओ लाई

बापुएं लड़ तेरे ओ लाई...................

पाई लोकगीत जगह कन्ने टेमे दे साबे ने बदलदे रहन्दे न | मैं जियाँ सुण्या तियाँ लिखिता | जे कोई भूल-चुक होंगी तां माफ़ करनयो कन्ने दसी भी दीन्यो की गलती कुथु है | पाई लोकगीत तान साढ़े सारयां दे न, कन्ने हूँण ए साड़ी ही जिम्मेवारी बणदी है कि इस धरोहरा जो समाली करि राखिये |